Friday, 9 August 2013

---ගීතංජලී - නැණසරට වැයෙන සත්සරය ---



හන්තාන කඳු පන්තියටත් මහවැලි නදී තීරයටත් මායිම්ව පිහිටි සොඳුරු පේරාදෙණිය විශ්ව විද්‍යාල භූමිය තුල විශ්වීය දැනුම ගවේෂණය කරන්නෝ අපමණ වෙති.දැනුමට සීමා මායිම් නැතුවාක් මෙන්ම දැනුම ගවේශණය කිරීමටද සීමා මායිම් නොමැත.නමුත් මේ සීමාවන් ඉක්මවා යෑමට දැනුම පමනක් ප්‍රමාණවත් වන්නේ නැත.ඒ සඳහා බලපාන ප්‍රධාන සාධක අතර ආර්ථික මට්ටම ප්‍රධාන තැනක් ගනී.

පේරාදෙණිය විශ්වවිද්‍යාලයීය පිවිසෙන දහසකුත් එකක් ශිෂ්‍ය ශිෂ්‍යාවන් අතර ආර්ථික අපහසුකම් නිසා තම අධ්‍යාපනයට නැවතීමේ තිත තබා විශ්ව විද්‍යාලීය ජීවිතයෙන් සමුගෙන යන්නෝ අපමන වෙති.එසේ අධ්‍යාපනය අත හැර දමා යන තම සහෝදර සිසුන්ට සමු දීමට පේරාදෙණිය විශ්ව විද්‍යාලීය විද්‍යාපීඨ සිසුන් සූදානම් වූයේ නැත.ඒ වෙනුවෙන් ඔවුන් එකාවන්ව පෙල ගැසුනෝය. විද්‍යාපීඨ සිසු බල පවුර , විද්‍යාපීඨ ශිෂ්‍ය සංගමය වටා ඔවුන් එකතු වූහ.මීට සිව් වසරකට පෙර නැණසර ශිෂ්‍යත්ව අරමුදල ආරම්භ වන්නේ එලෙසය.

පේරාදෙණිය විශ්වවිද්‍යාලීය විද්‍යාපීඨ අඩු ආදායම් ලාබී පවුල් වල සිසු දරු දැරියන් තෝරාගෙන ඔවුන්ගේ අධ්‍යාපන දිවියට අත්වැලක් වීමට පසුගිය වසර කිහිපය පුරාවටම , මෙම නැණසර ශිෂ්‍යත්ව අරමුදල මාහැගි කාර්‍යයක් ඉටුකලේය. නැණසර ශිෂ්‍යත්ව අරමුදල හේතුවෙන් පෙර කියූ විශ්වීය දැණුම භාදාවකින් තොරව නිදහසේ , සිත්සේ තරණය කිරීමට පේරාදෙණිය විශ්ව විද්‍යාලීය විද්‍යාපීඨ සිසු සිසුවියන්ට අවස්තාව ලැබුනි.

තවත් වසරක් දෙකක් ඇවෑමෙන් පසු නැනසර ශිෂ්‍යත්ව අරමුදල තවත් පියවරක් ඉදිරියට තබා තිබුණි.පේරාදෙණිය විශ්වවිද්‍යාලීය විද්‍යාපීඨ සිසුන්ගේ අධ්‍යාපනය උසස් කිරීමෙන් පමනක් නැවතී සිටීමට විද්‍යාපීඨ ශිෂ්‍ය සංගම් සහෝදරත්වය සූදානම් වූයේ නැත.ඒ අනුව ශ්‍රී ලංකාව පුරා පවතින දුශ්කර පාසල් රාශියක් තෝරාගෙන ඒ ඒ පාසල් වෙත ගොස් , ඒවායේ ඉගැන්වීම් කටයුතු වල නිරත වීමට විද්‍යාපීඨ සිසුන් මූලිකත්වය ගත්තෝය.විද්‍යාව , ගණිතය වැනි සාමාන්‍යපෙල විභාගය සඳහා අසීරුයැයි සම්මත විශයන් ඉතා සරල ලෙස කියාදී ගුරු සම්පත් හිඟ මෙම දුශ්කර පාසල් වල දුවා දරුවන්ගේ නැණස පෑදීමට විද්‍යාපීඨ සිසුන් සමත් වූහ. ඒ සියලු කටයුතු මැනවින් කලමණාකරණය කරගෙන සිසුන් මෙහෙයවීට තරම් සවිමත් සිසු බලයක් පේරාදෙණිය විශ්වවිද්‍යාලීය විද්‍යාපීඨ ශිෂ්‍ය සංගමයට තිබුනි.නැණසර ශිෂ්‍යත්ව අරමුදල පියවරෙන් පියවර තව තවත් ඉදිරියටම ඇදෙන්නට විය.මෙම ඉගැන්වීම් කටයුතු වල යෙදෙන අතරතුරදී අදාල පාසල්වල ඇති අඩු පහසුකම් පිලිබදව විද්‍යාපීඨ සුසුවෝ නිතර නිතර කතා වූහ. ඔවුහු ඒ පිලිබඳව ශිෂ්‍ය සංගමය දැනුවත් කලෝය.ඒ අනුව නැණසර ශිෂ්‍යත්ව අරමුදල තවත් පුලුල් කරමින් එම පහසුකම් අවම පාසල් සදහා ආධාර උපකාර කිරීමට සියලු කටයුතු සම්පාදනය කෙරුනි.

නැණසර ශිෂ්‍යත්ව අරමුදලින් කෙරෙන්නාවූ සත්කාරයන් ක්‍රම ක්‍රමයෙන් පුලුල් වීමත් සමගම ඒ සදහා අවශ්‍ය ආධාර මුදල් ලබා ගැනීමේ අපහසුතාවය විද්‍යාපීඨ සිසුවෝ අත්වින්දහ.කොපමන භාදා පැමිණියද නැණසර ශිෂ්‍යත්ව අරමුදල අත හැර දැමිමට ඔවූහු සූදානම් නොවූවෝය.

'ගීතාංජලී' - නැණසරට වැයෙන සත්සරය සංගීත ප්‍රසංගය , ඒ උතුම් අරමුණ පෙරදැරි කරගෙන ආරම්භ වන්නේ එලෙසය.ගීතාංජලී සංගීත ප්‍රසංගයෙන් ලැබෙන්නාවූ සියලු ආදායම් නැණසර්‍ර ශිෂ්‍යත්ව අරමුදලට බැර කිරීමට විද්‍යාපීඨ ශිෂ්‍ය සංගමය මූලිකත්වය ගත්තේය.ඒ අනුව නැණසරට වැයෙන සත්සරයේ තෙවන දිගහැරුම අගෝස්තුමස 14 වන දින පේරාදෙණිය විශ්ව විද්‍යාලීය ගෘහස්ත ක්‍රීඩාගාරයේදී එලි දැක්වීමට සියලු කටයුතු මේ වනවිටත් විද්‍යාපීඨ සිසුන්ගේ අධිෂ්ඨානයන් මල්පල ගන්වමින් සූදානම් කර තිබේ. දිවයිනේ දහසකුත් දරු දැරියන්ගේ අධ්‍යාපන දිවිය ආලෝකමත් කිරීමට ගීතාංජලියේ සත්සරයන් වැයෙනු ඇත. ඒ සත්සර හඩ අතරින් ඇසෙන විශාරද අමරසිරි පීරිස් , විශාරද නිරෝශා විරාජිනී සහ ආත්මා ලියනගේ යන ගායක ගායිකාවන්ගේ සුමිහිරි ගී රාවයෙන් සෙනෙහසේ ලපලු ගංතෙර දෝරේ ගලා යනු ඇත.. අගෝස්තු 14 දින සවස් යාමයේ හන්තානට පායන සදේ ඡායාව ඒ දෝරේ ගලා යන ගං දියෙන් තව තවත් හැඩ වී දිස් වෙනු ඇත. ඉතින් ඒ පුර හඳ හැබෑවටම ලස්සනදැයි බැලීමට ඔබ සැමට පේරාදෙණිය විශ්වවිද්‍යාලීය විද්‍යාපීඨ ශීෂ්‍ය සංගමය ගෞරවයෙන් යුතුව ආරාධනා කර සිටී.
ඔව්..ඔබත් එන්න...
හන්තානට පායන පුරහදේ ලස්සන විදගෙන යන්න....

           - IRu Liyanage -
( විද්‍යාපීඨ ශිෂ්‍ය සංගමය වෙනුවෙන් )
 
 

20 comments:

  1. නියමයි!! කැම්පස් කොල්ලෝ කෙල්ලෝ කරන්නේ පිකට් කරන එක විතරක් නෙමේ කියලා පෙන්නලා දෙන එක ගැන ආඩම්බරයි රත්ගමයෝ!

    ReplyDelete
  2. සතුටුයි. සුබ පැතුම්.

    ReplyDelete
  3. එළ එළ මචං.බලන්ඩනං එන්ඩ විදිහක් නෑ ඕං.

    ReplyDelete
  4. ලඟපාත හිටියනම් එනවා අනිවාර්යෙන් . මෙයනම් හරිම ලස්සන සංදර්ශනයක් වේවි . සුභ පතනවා .

    ReplyDelete
    Replies
    1. පල පල පච නොගහ

      Delete
  5. අනිවා ලස්සන වැඩක්

    ReplyDelete
  6. චැක් රත්ගමයා කුප්ප වැඩ නැතුව හොද වැඩත් කරනවනේ #මාරයි

    ReplyDelete
  7. එන්න විදියක් නෑ බන් දුර වෑඩියි නෙ.සාර්ථකවෙවා කියල ප්‍රර්තන කරන්නම්

    ReplyDelete
  8. නියමයි. ඇත්තටම සංතෝෂයක් දැනෙනවා. ඒ උනාට අපි කැම්පස් නෙමෙයි. එන්න බලාගෙන ඉන්න මිනිස්සු නේ..
    හන්තානේ ආපු දවසක තමයි බලන්න එන්න වෙන්නේ. තව අවුරුදු දෙකකින් විතර.


    බොර දියක ඉඳුවර

    ReplyDelete
  9. හොඳ වැඩක්! සුබ පතමි !!!

    මම දුලාගේ අඩවියේ™ දුලා
    (බොලේ අපිත් ගාල්ලේ...)
    පුලුවන් වෙලාවක් ඇවිත් යන්න අමතක කරන්න එපා:- දුලාගේ අඩවිය | Dula's Place

    ReplyDelete
  10. මෙන්න මේ වගේ දේවල් කරනවා නම් සරසවිය කොතරම් ලස්සනද? බොහෝ දෙනාගේ ප්‍රසාදය දිනා ගන්න පුළුවන්.

    ReplyDelete
  11. Api patan gattu wadak ada metharam honda thathweka thibeema gana sathutui... ( Jola )

    ReplyDelete
  12. අපි නම් ආවා බලන්න. නියම වැඩක්! ජය!

    ReplyDelete
  13. මෙන්න මෙයාට බ්ලොග් එක මතක් වෙලා .......

    ReplyDelete
  14. මේ සත්කාර්යය සාර්ථක වෙන්නට පතමි...

    ReplyDelete
  15. http://www.srilankatourguidedriver.com/

    ReplyDelete
  16. අනේ හුකේ නන්නානේ.. තොපි දන්නේ නැහැ අලුකුත්තේරුවෝ මාගේ තරම. තෝ හිතනවද මගෙත් එක්ක බ්ලොග් එකේදී හැප්පිලා දිනන්න. මම තෝව චකබ්ලාස් කරනවා බැල්ලිගේ පුතෝ

    ReplyDelete
  17. http://machanbassa.blogspot.com/

    ReplyDelete

ඔබේ වචන මට හයියකි...මේතන ලියා යන්න(ඔන්න හොදින් කිව්වා..අඩෝ...ලිව්වේ නැතිනම් කපනවා ඩෝ...)